لە ساڵرۆژی جینۆسایدکردنی ئێزدییەکان محەمەد شیاع سودانی کۆمەڵێک بڕیاری لە بەرژەوەندی هاوڵاتییانی ئێزدی لە شەنگال دەرکرد.
بەبۆنەی تێپەڕبوونی 10 ساڵ بەسەر کارەساتی ئێزدییەکان، محەمەد شیاع سودانی سەرۆک وەزیرانی عێراق بڕیاریدا، راوێژکارێکی تایبەت بە کاروباری ئێزدییەکان لە نووسینگەکەی دابمەزرێنێت، دامەزراندنی سندوقی بنیادنانەوەی شەنگال و نەینەوا.
هاوکات سودانی بڕیاریدا سەرجەم دانیشتووانی شارەکە بتوانن سوودمەندبن لە قەرزی نیشتەجێبوون و سندوقی نیشتەجێبوون و دەستپێشخەرییەکانی بانکی ناوەندی و حکومەتی عێراق.
لە رابردوودشدا بڕیاردرابوو 14 هەزار و 500 یەکەی نیشتەجێبوون بۆ خەڵکی شەنگال دروستبکرێت.
