ئەو کچەی لە چاکسازیی ژنان و منداڵانی سلێمانی هەڵاتبوو، ئەمڕۆ دەستگیرکرایەوە.
بەڕێوەبەرایەتیی گشتیی چاكسازیی كۆمەڵایەتی لە راگەیەندراوێکدا بڵاویکردەوە، ئەو راگیراوەی كە دوێنی لە بەڕێوەبەرایەتیی چاکسازیی ژنان و منداڵانی سلێمانی رایكردبوو كەمێك پێش ئێستا بەهەماهەنگی لەگەڵ هێزەكانی ئۆپەراسیۆن و ئاسایشی سلێمانی دەستگیرکرایەوە.
بەپێی وتەی کوێستان محەمەد، وەزیری کار و کاروباری کۆمەڵایەتی، ئەو کچە تەمەنی 16 ساڵانە و لەسەر داوای دایکی راگیراوە.
ئاماژەی بەوەش کرد، بڕیار بووە رۆژی رابردوو ئازاد بکرێت، بەڵام نەیویستووە بگەڕێتەوە نێو خێزانەکەی بۆیە لە زیندان هەڵاتووە.
