بڕیارە کاتژمێر 8:00 ی ئەمشەو ئەنجامی تاقیکردنەوە گشتییەکانی قۆناغی 12 ی ئامادەیی لە هەرێمی کوردستان رابگەیەندرێت.
بەپێی ئەو زانیارییانەی دەست تۆڕی میدیایی ئێستا کەوتوون، لە سنووری پەروەردەی سلێمانی و گەرمیان و هەڵەبجە چەند خوێندکارێک ناویان لە ریزبەندی 10 یەکەمەکەدا هەیە.
هەر بەپێی زانیارییەکان، رێژەی دەرچوون لە سنووری پارێزگای سلێمانی بەراورد بە سەرجەم پارێزگاکانی دیکە لە بەرزترین ئاستدایە و ژمارەیەکی زۆر لە خوێندکاران توانیویانە نمرەی سەروو 90 بەدەستبهێنن.
