وتەبێژی بەرگریی شارستانیی هەولێر رایگەیاند، ئەمساڵ زیاتر لە دوو هەزار دۆنم زەوی بە گەنم چێندراو لە شاری هەولێر بە هۆکاری جیاواز سووتاون.
موقەدەم شاخەوان سەعید وتەبێژی بەرگریی شارستانیی هەولێر بە تۆڕی میدیایی ئێستای راگەیاند، لە سەرەتای ئەمساڵ تا ئێستا دوو هەزار و 282 دۆنم زەوی بە گەنم چێندراو بە هۆکاری جیاواز سووتاون.
ئاماژەی بەوەشکرد، هاوکات 231 دۆنم زەوی بە جۆ چێندراو سووتاوە و بە کۆی دوو هەزار و 513 دۆنم زەوی سووتاوە.
