نێچیرڤان بارزانی سەرۆكی هەرێمی كوردستان و لەگەڵ جەنەراڵ جۆول ڤاوڵ فەرماندەی گشتیی هێزەكانی هاوپەیمانان لە عێراق و سوریا و شاندێكی یاوەری كۆبوونەوە.
لە كۆبوونەوەیەكدا دۆخیی ئەمنی ناوچەكە تاوتوێكرا و باس لە پڕۆسەی چاكسازی لە وەزارەتی پێشمەرگە و دوایین هەنگاوەكانی یەكخستنەوەی هێزەكانی پێشمەرگە و گرفتەكانی بەردەمی تاوتوێكران.
لە راگەیەندراوەكەی سەرۆكایەتیی هەرێمدا هاتووە، هەردوولا جەختیان لەوە كردەوە كە هەم لە عێراق و هەم لە سوریاش، دەبێت هەموو لایەنەكان هاوكاربن لەپێناو سەقامگیریی ناوچەكەدا.
لە تەوەرێكی دیكەی كۆبوونەوەكەدا هەردوولا ئاماژەیان بەوە كرد كە لە پڕۆسەی چاكسازی و یەكخستنەوەی پێشمەرگەدا وێڕای هەندێك پێشكەوتن، بەڵام كێشەی جددی لەبەردەم پڕۆسەكەدا هەن و پێویستە چارەسەربكرێن، لەمبارەیەوە نێچیرڤان بارزانی، پابەندیی هەرێمی كوردستانی بە بەردەوامیی كاركردن بۆ سەرخستنی پڕۆسەكە و یەكخستنەوەی پێشمەرگە دووپاتكردەوە.
