تەرمی حاجییەکی دیکەی هەرێم لە مەککە دۆزرایەوە و بەوەش ژمارەی حاجییە کۆچکردووەکان گەیشتە 23 حاجی.
کاروان ستونی، وتەبێژی حەج و عومرەی کوردستان، رایگەیاند، تەرمی حاجییەکی دیکەی هەرێم لە مەککە دۆزرایەوە،و بەوەش ژمارەی حاجییە کۆچکردووەکان گەیشتە 23 حاجی.
ئەو حاجییە کوردەی تەرمەکەی دۆزراوەتەوە ناوی (دڵخواز قادر سەعدی)یە.
بەپێی وتەی کاروان ستونی، ئەمساڵ تاوەکو ئێستا 23 حاجیی کورد لە سعودیە کۆچی دواییان کردووە کە 22یان لە رێگەی ڤیزای ساڵییەوە سەفەری حەجیان ئەنجامداوە.
