بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی هاتنەوەی جەژنی قوربانەوە، پەیامێكی بڵاوكردەوە و دەڵێت، “ئومێدەوارم ئەم بۆنە پیرۆزە خێر و خۆشی بۆ میللەتەكەمان بهێنێت و ببێتە مایەی قووڵكردنەوەی گیانی لێبووردەیی و پێكەوەژیان”.
لە پەیامەكەی سەرۆكی یەكێتیدا هاتووە، جەژنی قوربانی پیرۆز لە موسڵمانانی كوردستان، عێراق و جیهان پیرۆزبێت و لە دڵەوە هیوادارم رۆژانی جەژن لە دڵخۆشی و كامەرانیدا بەسەربەرن.
سەرۆك بافڵ لە پەیامەكەیدا دەشڵێت” ئومێدەوارم ئەم بۆنە پیرۆزە خێر و خۆشی بۆ میللەتەكەمان بهێنێت و ببێتە مایەی قووڵكردنەوەی گیانی لێبووردەیی و پێكەوەژیان و هاندەرمان بێت بۆ پتەوكردنی پەیوەندییەكان و یەكڕیزیی نێوانمان تاوەكو هەموومان پێكەوە بە هەڵوێستێكی نیشتمانییانەوە كار بۆ چارەسەركردنی كێشەكان و بوونیادنانی داهاتوویەكی سەقامگیرتر بكەین و دووبارە جەژنتان پیرۆزبێت و شاد و سەرفرازبن”.
