دیلان غەفور، ئەندامی ئەنجومەنی نوێنەرانی عێراق و نوێنەری کەرکوک لە ئەنجومەنەکە رایگەیاند، پارێزگاری بە وەکالەتی کەرکوک 9 ئۆتۆمبێلی داوە بە دەستەی دەسپاکیی کەرکوک و ئێستا لە گەراجی ئۆتۆمبێلەکانی دەستەکەیە و لەسەر ئەو پرسە قسەمان لەگەڵ سەرۆکی دەستەی دەسپاکی عێراق کردووە و لێکۆڵینەوە دەکرێت.
دیلان عەفور ئاماژەی بەوەشکردووە، لە چوارچێوەی کاری پەرلەمانیی و چاودێریی و بەدواداچوونەکانمان ئەو کارەمان کردووە و ئەو کارەی پارێزگاری بەوەکالەت لە پێناو چاوپۆشیی لە دۆسیەی گەندەڵییەکانی پارێزگای کەرکوکە.
ئەوەشی باسکردووە، کارەکە پێچەوانەی یاسایە و سەرپێچییە، بۆ ئەو مەبەستە قسەیان لەگەڵ حەیدەر حەنون، سەرۆکی دەستەی دەسپاکیی عێراق کرد و دەڵێت، “لەسەر نووسراوێکی ئێمە بڕیارە لێکۆڵینەوە لەم دۆسیەیە بکرێت و لە نزیکەوە چاودێریی ئەم دۆسیەیە دەکەین و کاری بەردەوامی لەسەر دەکەین”.
