بەڕێوەبەرایەتیی هاتوچۆی گەرمیان رایدەگەیەنێت، بەهۆی پێكدادانی دوو ئۆتۆمبێل لە ناحیەی باوەنوری سەر بە قەزای كەلار سێ كەس برینداربوون.
بەپێی راگەیەندراوێكی بەڕێوەبەرایەتیی هاتوچۆی گەرمیان كە وێنەیەكی دەست تۆڕی میدیایی ئێستا كەوتووە و تێیدا هاتووە، ئەمشەو لە ناحیەی باوەنوری سەر بە قەزای كەلار بەهۆی پێكدادانی دوو ئۆتۆمبێلی جۆری تۆیۆتا یارس و نیسان سەنی سێ كەس برینداربوون، بریندارەكان هەردوو شۆفێرەكە و سەرنشینێكی نێو ئۆتۆمبێلی تۆیۆتاكە بووە.
هەر لە راگەیەندراوەكەدا هاتووە، رووداوەكە لە كاتێكدا روویداوە ئۆتۆمبێلی جۆری تۆیۆتا یارس بۆ ناحیەی باوەنور هاتووە بە ئاراستەی پێچەوانە، نیسان سەنی بەئاراستەی قەزای دەربەندیخان ڕۆیشتووە و پێكیانداداوە و دواتر لەلایەن تیمەكانی هاتوچۆوە لێكۆڵینەوە لە رووداوكە دەستیپێكردووە.
