ئەمڕۆ کۆتا کاروانی حاجیانی هەرێم لە شاری هەولێرەوە بەرەو عەرەبستانی سعودی بەڕێدەکەن و کۆتایی بە بەڕێکردنی حاجیان بۆ ئەو وڵاتە دێت.
کاروان ستوونی وتەبێژی وەزارەتی ئەوقاف و کاروباری ئاینی بە تۆڕی میدیایی ئێستای راگەیاند، هەمووان ئاگادارن لە 27 ی ئایارەوە بەڕێکەوتنی حاجیانی هەرێم بۆ عەرەبستانی سعودیە دەستیپێکردووە و ئەمڕۆ کۆتا کاروان کە 445 کەسن بەڕێدەکەون.
ئاماژەی بەوەشکرد، لە بەڕێکردنی حاجیان ئەمساڵ هیچ کێشەیەک نەهاتووەتە پێش و کارەکان بەو شێوەیەی پلانی بۆ دانراوە چووەتە پێش.
