وەفدێکی هەرێم سەردانی بەغداد دەکات بڕیارە ئەمڕۆ وەفدێکی هەرێم لەسەر پرسی کێشەی زەوی و زاری کشتوکاڵی لە ناوچە کوردستانییەکان، سەردانی بەغداد بکات.
دەستەی گشتیی ناوچە کوردستانییەکانی دەرەوەی ئیدارەی هەرێم رایگەیاند، ئەمڕۆ دووشەمە وەفدێکی حکومەتی هەرێم بەسەرپەرشتیی فەهمی بورهان، سەرۆکی دەستەی گشتیی ناوچە کوردستانییەکان و ئەندامێتیی سامی جەلال، راوێژکار لە وەزارەتی ناوخۆ و تاهير عەبدوڵا، راوێژکار لە فەرمانگەی هەماهەنگی و بەدواداچوون، سەردانی شاری بەغداد دەکەن.
دەستەکە دەڵێت، بڕیارە ئەو وەفدە لەسەر پرسی کێشەی زەوی و زاری کشتوکاڵی لە ناوچە کوردستانییەکان، چەندین دیدار و کۆبوونەوە لەگەڵ لایەنە پەیوەندیدارەکانی حکومەتی فیدراڵ ئەنجامبدەن .
