ئەنجامی تاقیکردنەوەکانی پۆلی نۆی بنەڕەتی بڵاوکرایەوە

وەزارەتی پەروەردەی هەرێم لینکی وەرگرتنەوەی ئەنجامەکانی تاقیکردنەوەکانی خولی یەکەمی پۆلی نۆی بنەڕەتی بڵاوکردەوە بۆ ساڵی خوێندنی 2023-2024.

وەرگرتنەوەی ئەنجامەکان بەشێوەی دیجیتاڵییە و لە رێگەی ماڵپەڕی ئەزموونەکانەوە دەبێت.

لە ماڵپەڕی تایبەتی وەرگرتنەوەی ئەنجامەکان ئاماژە بەوەکراوە، قوتابیان و خوێندکاران لەکاتی هەبوونی ناڕەزایی لە دەرەنجامی نمرەکانیان، دەتوانن لە رێگەی قوتابخانەکان فۆرمی پەڵپ (اعتراض) پڕبکەنەوە.

وەزارەتی پەروەردە دڵنیایی بە خوێندکاران دەدات لەوەی بە وردی لە پەڵپەکان دەکۆڵێتەوە و دەشڵێت، “پەڵپ (اعتراض) لە 2024/5/18 تا 2024/5/21 دەبێت تاکو تەواوبوونی کاتی دەوامی فەرمی”.