لە مانگی رابردوودا 857 منداڵ لە نەخۆشخانەی منداڵبوونی سلێمانی لەدایكبوون.
بەڕێوەبەرایەتیی گشتیی تەندروستیی سلێمانی، لە راگەیەندراوێکدا بڵاویکردەوە، مانگی رابردوو لە نەخۆشخانەی منداڵبوونی فریاكەوتنی فێركاری دوو هەزار و 270 نەخۆش سەردانیان كردووە، لەو ژمارەیە هەزار و 497 نەخۆش داخڵكراون و چارەسەری پێویستیان بۆكراوە.
تەندروستیی سلێمانی دەشڵێت، مانگی رابردوو 857 منداڵ لە نەخۆشخانەی منداڵبوونی فریاكەوتنی فێركاری لەدایكبوون و لەو ژمارەیە 446 منداڵیان كوڕ بوون و 411 یان كچ بوون.
بەپێی ئامارەکەی تەندروستیی سلێمانی، لەو ژمارەیە 491 منداڵیان بەشێوەی سروشتی لەدایكبوون و ئەوانی دیکە لەڕێگەی نەشتەرگەری لەدایكبوون.
لە راگەیەندراوەکەدا هاتووە، لە مانگی رابردوودا لە نەخۆشخانەی منداڵبوونی فریاكەوتنی فێركاری 190 منداڵ لە بەشی نەبەكام داخڵكراون و 13 حاڵەتی لەدایكبوونی دووانە و دوو حاڵەتی لەدایكبوونی سیانە و 131 حاڵەتی لەبارچوونی منداڵ تۆماركراون، هەروەها هەزار و 179 سۆنەریش گیراون.
