سەندیکای پزیشکانی عێراق هۆشداریی لە گواستنەوەی نەخۆشیی ئایدز دا لە رێگای سەنتەرە جوانکارییە بێمۆڵەتەکان و ئەو شوێنانەی تاتۆیان تێدادەکرێت.
سەندیکای پزیشکانی عێراق بڵاویکردەوە، لە ماوەی چەند ساڵی رابردوودا دوو هەزار و 638 حاڵەتی تووشبوون بە نەخۆشیی ئایدز تۆمارکراوە و لەو ژمارەیەش 470 تووشبوویان گیانیان لەدەستداوە.
ئاماژەی بەوەشکرد، چەند حاڵەتێکی کەم هەبوون کە لە دایکەوە بۆ منداڵی ناوسکی گواسترابێتەوە، یان لە رێگای گواستنەوەی خوێن گواسترابێتەوە.
ئاشکراشیکرد، ئەو سەنتەر و کلینکانەی کاری جوانکاریی یان تاتۆیان تێدا دەکرێت و بەدەر لە رێنماییە پزیشکییەکان کاردەکەن و مۆڵەتی کارکردنیان نییە هۆکارێکن بۆ گواستنەوەی ڤایرۆسەکە.
