ئەندامێكی ئەنجومەنی نوێنەرانی عێراق رایدەگەیەنێت، 85 واژووی پەرلەمانتارانی فراكسیۆنە جیاوازەكانیان كۆكردووەتەوە بۆ قەرەبووكرنەوەی ماددی و مەعنەویی هاوڵاتییانی هەڵەبجە.
چرۆ حەمەشەریف ئەندامی ئەنجومەنی نوێنەرانی عێراق رایگەیاند، لەبەرئەوەی 21 ساڵە خەڵكی ەڵەبجە قەرەبوو نەكراونەتەوە كە بەپێی ماددەی 132 ی دەستووری عێراق، دەبێت ھەموو ئەوانەی زەرەرمەندی دەستی رژێمی بەعسن قەرەبووبكرێنەوە.
دەشڵێت، ئەو 85 واژووە رەوانەی لیژنەی یاسایی دەكرێت بۆ ئەوەی پڕۆژەیاسایەك بۆ قەرەبووكردنەوەی هاوڵاتییانی ھەڵەبجە ئامادەبكەن و دەنگی لەسەر بدرێت.
