بە مەبەستی ئاگاداربوون لە ئاستی كاركردن لە پڕۆژەی یەكتربڕی شەقامی شاڕێی پێشمەرگە نزیك باخی بەختیاری، سەرۆكی شارەوانی پڕۆژەكەی بەسەركردەوە و دەستخۆشی لە سەرپەرشتیارانی پڕۆژەكە و كۆمپانیای جێبەجێكاركرد كە پڕۆژەكە لە قۆناغی كۆتایی نزیكبووتەوە.
هەر لە میانەی سەردانەكەی سەرۆكی شارەوانی لەگەڵ لێپرسراوی بەشی پڕۆژەكانی شارەوانی و ئەندازیارانی پڕۆژە سەردانی ئەو شەقامەی كرد كە لە شەقامی قلیاسانەوە بەرەو شەقامی بەردەم زانكۆی سلێمانی دەچێت و كاری یەكەم چینی قیرتاوی بۆ دەكرێت.
بەم شێوەیە لە پێكهاتەی پڕۆژەكەدا تەنها شەقامی بەردەم گومرگی سلێمانی دەمێنێت بۆ قیرتاوكردن، دوای چارەسەركردنی كێشەی بۆریی ئاوی شەقامەكە كە كۆتا قۆناغی پڕۆژەكەیە.
