بەیانی ئەمڕۆ لەگەڵ کردنەوەی بازاڕەکانی دراو لە شارەکانی هەرێمی کوردستان و عێراق بەهای دۆلاری ئەمریکی بەرامبەر بە دیناری عێراقی لەخوار 147 هەزار دینارەوە مامەڵەی پێوەدەکرێت.
ئێوارەی دوێنێ سێشەممە، بەهای دۆلاری ئەمریکی بەرامبەر بە دیناری عێراقی دابەزینی بەخۆیەوە بینی و 100 دۆلار بۆ 146 هەزار و 500 دینار دابەزی.
بەهای دۆلار لەماوەی رابردوودا، لەنێوان 147 هەزار بۆ 148 هەزار و 500 دیناردا یاری دەکرد، بەر لەوەی دوێنێ دابەزینێکی نوێ تۆمار بکات بۆ خوار 147 هەزار دینار.
بانکی ناوەندیی عێراق، دوێنێ سێشەممە بڕێکی باشی دۆلاری خستەبازاڕەکانەوە کە 282 ملیۆن و 624 هەزار و 465 دۆلار بوو.
