سەرۆکایەتیی شارەوانیی سلێمانی رایدەگەیەنێت، بەردەوامین لە ئەنجامدانی پڕۆژە خزمەتگوزارییەکان و گرفتەکانی بەردەم پڕۆژەی شەقامی دابان چارەسەرکران.
سەبارەت بە پڕۆژەی شەقامی دابان، سەرۆکایەتیی شارەوانیی سلێمانی دەڵێت، ”چەند هۆکارێکی وەک کەشوهەوا و بوونی بۆری ئاوی سەرەکی و مۆلیدەی گەڕەک و دوو خانوو کە موڵکی تایبەت بوون لە شەقامەکە بوونە بەربەست و وەستاندنی پڕۆژەکە، بەڵام خۆشحاڵانە ئەم گرفتانە چارەسەرکران”.
دەشڵێت، ”پڕۆژەی شەقامی دابان پڕۆژەیەکە کە شەقامی پارکی ئازادی بەرەو کارێزەوشک دەکات بە دوو ئاڕاستە و دەیگەیەنێت بە شەقامی بازنەیی مەلیک مەحمود و یەکێکە لە پڕۆژە گرنگەکانی شاری سلێمانی”.
