بافڵ جەلال تاڵەبانی سەرۆكی یەكێتیی نیشتمانیی كوردستان لە هەشتەمین دیداری سلێمانی بە رۆژنامەنووسانی راگەیاند، هەڵبژاردن لە كاتی خۆیدا ئەنجامدەدرێت و یەكێتی ئامادەیە بۆ هەڵبژاردن و داوا لە لایەنەكان دەكەین بەشداریی هەڵبژاردن بكەن.
وتیشی، “پێویستە كورد یەكڕیزبێت و هەڵبژاردن ئەنجامبدرێت و پێویستمان بە پەرلەمانێكە كە یاسای نوێ دەربكات و ریفۆڕم ئەنجامبدرێت و حكومەتێك پێكهێندرێت كە دانوستان لەگەڵ حكومەتی عێراق بكات بۆ زامنكردنی مووچەی مووچەخۆرانی هەرێمی كوردستان”.
سەرۆك بافڵ جەختیكردەوە وتیشی، “بۆ هەر دانوستان و كۆبوونەوەیەك لە پێناو یەكڕیزیی لایەنە سیاسییەكان بێت ئامادەین”.
