بەڕێوەبەری گەشتوگوزاری سلێمانی رایدەگەیەنێت، هەموو ئامادەكارییەك بۆ پێشوازیكردن لە گەشتیاران لە رۆژانی جەژندا كراوە و پێشبینیدەكرێت زیاتر لە 50 هەزار گەشتیار روو لە شاری سلێمانی بكەن.
شاناز عامر بەدران، بەڕێوەبەری گەشتوگوزاری سلێمانی لە لێدوانێكیدا رایگەیاند، تیمەكانمان لە بازگەكانن و رێبەری گەشتیاری بە گەشتیاران دەدەن و هەموو ئامادەكارییەك بۆ پێشوازیكردن لە گەشتیاران كراوە و رێستۆرانت و چێشتخانەكان كراوە دەبن.
بەڕێوەبەری گەشتوگوزاری سلێمانی جەختیكردەوە وتیشی، “پێشبینیدەكرێت زیاتر لە 50 هەزار گەشتیار روو لە شاری سلێمانی بكەن كە لە دوو رۆژی رابردوودا زیاتر لە 32 هەزار گەشتیار سەردانی سلێمانییان كردووە”.
