ئەندامێكی سەركردایەتیی یەكێتیی رایدەگەیەنێت، یەكێتی ئامادەكارییەكانی بۆ بەشداریكردن لە هەڵبژاردنی پەرلەمانی كوردستان دەستپێكردووە و دەشڵێت، “پۆستی پارێزگاری كەركوك بۆ كورد و یەكێتی دەبێت”.
ستران عەبدوڵا ئەندامی سەركردایەتیی یەكێتیی نیشتمانیی كوردستان لە لێدوانێكیدا رایگەیاند، سەرۆكایەتی هەرێمی كوردستان رۆژی هەڵبژاردنی دیاریكردووە و كۆمسیۆنی هەڵبژاردنەكانی عێراق سەرپەرشتیی پڕۆسەكە دەكات و ئێمەش وەكو یەكێتی ئامادەكارییمان بۆ هەڵبژاردنی پەرلەمانی كوردستان دەستپێكردووە.
لەبارەی پۆستی پارێزگاری كەركوكەوە، ستران عەبدوڵا وتیشی، “پۆستی پارێزگاری كەركوك بۆ كورد و یەكێتی یەكلابووەتەوە”.
