ئەنجومەنی وەزیرانی هەرێمی کوردستان، ئەمڕۆ پێنجشەممە 7ی کانونی دووەم بەسەرۆکایەتیی مەسرور بارزانی سەرۆکی حکومەتی هەرێمی کوردستان و ئامادەبوونی قوباد تاڵەبانی جێگری سەرۆکی حکومەت کۆدەبێتەوە.
لە ڕاگەیەنراوێکدا ئەنجومەنی وەزیرانی هەرێمی کوردستان ڕایگەیاند کە کۆبوونەوەی ئەنجومەنی وەزیران پێشنیوەڕۆی ئەمڕۆ دەبێت و پێشنوسی یەكەمی پرۆژە یاسای بودجەی 2021 هەرێمی كوردستان تاوتوێ دەکات.
بەپێی ڕاگەیەنراوەکە یەکێکی دیکە لە پرسەکانی کۆبوونەوەکە پلانی وەزارەتەكان بۆ رێكخستنەوەی داهات و كەمكردنەوەی خەرجییەكان، سنوورداركردنی كورتهێنانی دارایی بۆ ساڵی 2021 و هەروەها هەڵسەنگاندنی ئاستی جێبەجێكردنی بڕیارەكانی ئەنجومەنی وەزیران بۆ رێكخستنەوەی داهات لەسەر ئاستی وەزارەتەكان لە ساڵانی 2019-2020 دا دەبێت.
