بەڕێوەبەرایەتیی کەشناسیی هەرێم رایگەیاند، ئەمڕۆ و سبەینێ بارانبارین بەردەوام دەبێت.
بەڕێوەبەرایەتیی کەشناسیی و بومەلەرزەزانیی هەرێم بڵاویکردەوە، ئەمڕۆ دووشەممە ئاسمان هەوری تەواو دەبێت لەتەواوی ناوچەکانی هەرێم لەگەڵ نمە باران لە زۆربەی ناوچەکاندا، لەکاتەکانی ئێوارەدا کاریگەری دابارین زیاددەبێت بەتایبەتی لەناوچە شاخاوییەکان و پارێزگای دهۆک.
ئاماژەی بەوەشکرد، سبەینێ سێشەممە ئاسمان هەوری تەواو دەبێت لەگەڵ بەردەوامی نمە باران لەکاتەکانی بەیانیدا پاشان کەشەکە بۆ تاوە باران و بروسکە دەگۆڕێت سەرەتا لەناوچەکانی رۆژئاوای هەرێم پاشان بۆکاتەکانی نیوەڕۆ تەواوی ناوچەکان دەگرێتەوە، بڕی دابارین لەناوچە شاخاوییەکانی پارێزگای هەولێر و زۆربەی ناوچەکانی پارێزگای سلێمانی و گەرمیان زیاتر دەبێت.
ئاشکراشیکرد، کاریگەری ئەم شەپۆلە تا کاتەکانی درەنگانی شەو بەشێوەی جیاجیا بە لاوازی بەردەوامی دەبێت بەتایبەتی لە ناوچە شاخاوییەکانی سنووری رۆژهەڵات.
