بەهۆی دواکەوتنی مووچەکانیانەوە، کارمەندانی بەڕێوەبەرایەتیی هاتوچۆی سلێمانی بایکۆتی دەوامیان کرد.
بەپێی زانیارییەکانی تۆڕی میدیایی ئێستا، بەیانیی ئەمڕۆ یەکشەممە، کارمەندانی بەڕێوەبەرایەتیی هاتوچۆی سلێمانی بایکۆتی کاریان راگەیاند و کارو باری هاوڵاتییان ئەنجامنادەن.
هەربەپێی زانیارییەکان، هۆکاری بایکۆتی کارمەندانی بەڕێوەبەرایەتیی هاتوچۆی سلێمانی دواکەوتنی مووچەکانیانە.
ئێستا لە کۆتاییەکانی مانگی ئازار نزیکدەبینەوە، هێشتا مووچەخۆرانی هەرێم مووچەی مانگی شوباتیان وەرنەگرتووە، و چارەنووسی مووچەی سێ مانگی کۆتایی ساڵی رابردوو بەنادیاریی ماوەتەوە.
