بەرەبەیانی ئەمڕۆ تەقینەوەیەک لە دووکانێکی تایبەت بە فرۆشتنی مریشک لە باکووری چین روویدا و بەهۆیەوە کەسێک گیانیلەدەستدا و زیاتر لە 20 کەسیش برینداربوون.
میدیاکانی چین بڵاویانکردەوە، تەقینەوەکە لە کاتەکانی بەیانی بە کاتی ناوخۆیی چین روویداوە، بەپێی لێکۆڵینەوە سەرەتاییەکان گاز لە بۆرییەکەوە دزەی کردووە و بەهۆیەوە ئاگرێکی گەورە کەوتووەتەوە.
ئاشکراشیانکرد، لە رووداوەکەدا کەسێک گیانیلەدەستداوە و لایەنی کەم 22 کەسیش برینداربوون، جگە لەوەش ژمارەیەک ئۆتۆمبێل کە لە نزیکی رووداوەکە بوون سووتاون.
