نوێنەری زیندانیانی بادینان رایگەیاند، لەلایەن پارتی دیموکراتیی کوردستانەوە گەڕێکی دیکەى سکاڵا دژ بە چالاکوانانی بادینان بەرزکراوەتەوە.
ئەیهان سەعید نوێنەری زیندانیانی بادینان رایگەیاند، سەرباری ناڕەزایەتیەکی زۆری ناوخۆیی و نێودەوڵەتی لەسەر پرۆسەی سزادانی زیندانیانی بادینان لەبری بەخۆداچوونەوە، پارتی دیموکراتی کوردستان بە ئەقڵیەتێکی ئۆلیگارشی بێ حسابکردن بۆ ھیچ بنەمایەکی نیشتمانیی، مافی مرۆڤ یاسایی و دیموکراسی لە تۆڵەی ئەو فشارانەی لەسەرین و ھاتنە پێشەوەی کەمپینى سکاڵاکەی دژی لەدادگای فیدڕاڵی واشنتۆن کە تیایدا کەسانی باڵای ئەمریکا بەشدارن، کە یەکێک لە سکاڵا سەرەکییەکەیان تایبەتە بە پرسی دەستگیرکردنی رۆژنامەوانان و زیندانیکراوانی بادینان کە دژ بە مەسرور بارزانی بەرزکراوەتەوە.
ئاماژەی بەوەشکرد، جگە لە سکاڵای دووەمی هەریەک لە شێروان شێروانی و گوهدار زێباری کە لەزیندان لەسەر ئەوە سزادراون، چەند رۆژێکە دادگاکانی پارتی لەدهۆک و هەولێر بەرێگای دادگای حزبی سکاڵایان لەسەر پێنج رۆژنامەنوس و چالاکوانی دیکەی بادینان تۆمارکراوە ، کەپێشووتر ئازادکراون.
هەر بەپێی راگەیەندراوەکەی ئەیهان سەعید، ئومێد بەرۆشکی بە پێ ماددەی 2ی خراپ بەکارھێنانی ئامێرە ئەلیکترۆنییەکان لە یاسای ژمارە 6ی 2008، مەلا شڤان سەعید، هاریوان عیسا و ئەیاز کەرەم بەپێ یاسای سزادانی عێراقی ماددەی 252 لەسەر شایەتحاڵی ناڕاست (شهادة الزور)ی، لەسەر بەرگریکردن لە شێروان شێروانی، دکتۆر عامر مزوری بەپێ ماددەی 1 ی یاسای ژمارەی 21 ی تێکدانی ئەمنی نشتیمانی ھەمواری ساڵی 2003،سەەد پێشتریش دژی هەر پێنج چالاکوانی ئازادکراوی شیلادزێ بەتۆمەتی ناوزڕاندنی ئاسایش لەناو دادگا سکاڵا تۆمارکرابوو بەپێی یاسای سزادان ژمارە 111 ی ساڵی 1969.
ئاشکراشیکرد، ، دووبارە دروستکردنی سیناریۆ و دەستبەسەرکردنی چالاکوانانی بادینان بەشێکە لەو پرۆسە نایاساییەی کە پارتی جێبەجێی دەکات بەهۆی ترسی لە خەباتی مەدەنی و شکستهێنانیان لە ھەڵبژادن لە دەڤەری بادینان، بۆیە ئەرکی ھەموو لایەکە خۆیان بە خاوەنی ئەم دۆسیەیە بزانن و ھەڵوێستی جدی وەربگرن.
