ئەمڕۆ رۆژی جیهانیی زمانی دایک-ە و لە سەرانسەری جیهان و هەرێمی کوردستانیش، چالاکی جۆراوجۆر بەو بۆنەیەوە بەڕێوەدەچێت.
رۆژی 21ی شوبات، لەلایەن یونسکۆوە بە رۆژی جیهانیی زمانی دایک ناسێندراوە و دیاریکراوە بەو هۆیەوە لە جیهاندا چالاکی جۆراوجۆر بەڕێوەدەچێت.
پەروەردە و فێرکردن بەشێکی گرنگن بۆ پاراستن و بەردەوامیدان بە زمانی دایک، بەڵام بەپێی ئامارەکان لە ئێستادا %40ی دانیشتووانی جیهان ناتوانن بە زمانی دایکیان بخوێنن، تەنانەت لە هەندێک ناوچەی جیهان ئەو رێژەیە بۆ زیاتر لە 90% بەرزدەبێتەوە.
رۆژی جیهانیی زمانی دایک لە لایەن یونسکۆوە راگەیەندرا و دواتر لە لایەن کۆمەڵەی گشتیی نەتەوە یەکگرتووەکانەوە پەسەندکرا.
ساڵانە لە سەرانسەری جیهان ئەم رۆژە بەرزرادەگیرێت، لە هەرێمی کوردستانیش چەندین چالاکی جۆراوجۆر بەو بۆنەیەوە بەڕێوەدەچێت.
