وتەبێژی وەزارەتی ئەوقاف و كاروباری ئایینیی هەرێم رایدەگەیەنێت، بۆ دیاریكردنی یەكەم رۆژی مانگی رەمەزان پشت بە هیچ زانیارییەكی فەلەكناسی نابەستن، بەڵكو پشت بە بەڵگەی شەرعی دەبەستن كە لیژنەی باڵای بینینی مانگ لە هەرێمی كوردستان بڕیاردەدات.
نەبەز ئیسماعیل وتەبێژی وەزارەتی ئەوقاف و كاروباری ئایینیی هەرێم لە لێدوانێكدا بە تۆڕی میدیایی ئێستای راگەیاند، ئەو زانیارییە فەلەكناسییانەی بڵاودەكرێنەوە بۆچوونی كەسین و وەزارەت كاری لەسەر ناكات و پشت بە بەڵگەی شەرعی دەبەسترێت.
وتیشی، “لەگەڵ نزیكبوونەوەی ئەو وادەیە لیژنەی باڵای بینینی مانگ لەگەڵ لیژنەی تایبەت لە پارێزگا و ئیدارە سەربەخۆكان بڕیاردەدەن كە هەماهەنگییان هەیە و یەكەم رۆژی مانگی رەمەزان دیاریدەكرێت”.
