بەرپرسێكی وەزارەتی سامانە سروشتییەكان رایدەگەیەنێت، “كار بۆ ئەوە دەكەن لە بەشێكی زۆری ناوچەكان بەرمیلێكی دیكەی نەوت بەسەر هاوڵاتییاندا دابەشبكرێت”.
رێبین زەنگەنە بەڕێوەبەری گشتیی دیوانی وەزارەتی سامانە سروشتییەكان لە لێدوانێكیدا رایگەیاند، لە چەند رۆژی داهاتوودا وەفدێكی وەزارەتی سامانە سروشتییەكانی هەرێم سەردانی بەغداد دەكات بە مەبەستی كۆبوونەوە لەگەڵ بەرپرسانی وەزارەتی نەوتی عێراق بۆ دابینكردنی نەوت بۆ هاوڵاتییانی هەرێمی كوردستان كە حكومەتی عێراق پابەندبێت و جیاكاری نەكات.
لەبارەی بەنزینیش، بەرپرسەكەی وەزارەت وتیشی، “لە بابەتی هاوردەكردنی بەنزیندا ئاسانكاری بۆ بازرگانان كراوە كە بەپێی كوالیتی بەنزین هاوردەبكەن”.
