وەزارەتی کارەبای هەرێم رایدەگەیەنێت، “پڕۆژەیەکی ستراتیژیی کارەبا بە بەهای نزیکەی سێ ملیار دینار جێبەجێدەکرێت”.
لە راگەیەندراوێکدا لەبارەی پڕۆژەیەکەوە وەزارەتی کارەبای هەرێم ئاماژە بەوە دەکات، “پڕۆژەی زیادکردنی سێکشنێک بۆ وێستگەی کارەبای پیرەمەگرون لەگەڵ گۆڕەرێک بە توانای 31.5 مێگاوات کارەبا لە جێبەجێکردندایە”.
ئەوەشی خستووەتەڕوو، “پڕۆژەکە 25 مێگاوات کارەبای دیکە بۆ سنووری وێستگەکە دابیندەکات و توانایی پێدانی کارەبای لە رێگەی شەش فیدەرەوە هەیە”.
دەشڵێت، “پڕۆژەکە کێشەی بارزۆریی بەشێکی زۆر لە وێستگەی پیرەمەگرون چارەسەر دەکات و تا ئێستا لە 80٪ی کارەکانی تەواو بوو و بڕیارە لە ماوەی 365 رۆژدا تەواو ببێت”.
