ئێوارەی ئەمڕۆ لە نمایشی ئۆتۆمبێلی ئۆفڕۆد لە گوندێکی نزیک کۆیە حەوت کەس برینداربوون.
بەڕێوەبەرایەتیی تەندروستیی کۆیە بڵاویکردەوە، بەهۆی نمایشی ئۆتۆمبێلی ئۆفڕۆد حەوت کەس برینداربوون و گەیەندراونەتە نەخۆشخانەی شەهید د. خالید و چارەسەریان بۆ دەکرێت.
رووداوەکە لە گوندی جەلی نزیک قەزای کۆیە روویداوە، لە کاتێکدا ئۆتۆمبێلێکی جۆری نیسان پاترۆل بۆ نمایش ویستوویەتی بەسەر گردێکدا سەربکەوێت، کۆنتڕۆڵی لەدەستداوە و خۆیکردووە بەناو ئەو هاوڵاتییانەی هاتبوون بۆ سەیری نمایشەکە.
