لە یەکەم کاتژمێری ساڵی نوێدا لە کەرکوک 52 منداڵ لەدایکبوون، لە شەوی سەری ساڵیشدا دوو کەس برینداربوون.
فەرمانگەی تەندروستیی کەرکوک بڵاویکردەوە، لەگەڵ رۆشتنە نێو ساڵی نوێ 52 منداڵ لەدایکبوون لەو رێژەیەش 22 یان لەنەخۆشخانەی ئازادی فێرکاری 12 یان لەنەخۆشخانەی کەرکوکی گشتی، 12ی دیکەیان لەنەخۆشخانەی نەسر،3 منداڵیش لەقەزای حەویجە، 3 منداڵی دیکەش لە قەزای داقوق، لەدایکبوون.
هەر بەپێی ئەو ئامارانەی تەندروستیی کەرکوک بڵاویکردوونەتەوە، شەوی رابردوو لەئاهەنگەکانی سەری ساڵدا دوو کەس کە تەمەنیان 17 ساڵان و 12 ساڵانە لە یەکێک لە شەقامەکانی پارێزگاکە برینداربوون.
