سەرۆکی یەکێتی تۆپی پێی ئەرجەنتین رایگەیاند، هەڵبژاردەی ئەرجەنتین بڕیاریداوە پێدانی درێسی ژمارە 10 دوای لێۆنێل میسی رابگرێت و ئەو کۆتا ژمارەی 10ی هەڵبژاردەکە بێت.
کڵاودیۆ تایپا سەرۆکی یەکێتی تۆپی پێی ئەرجەنتین لە لێدوانێکدا بۆ رۆژنامەی سپۆرتسی ئیسپانی دواوە و وتویەتی، “کاتێک میسی واز لە یاریکردنی نێودەوڵەتی دەهێنێت لەگەڵ هەڵبژاردەی ئەرجەنتین، هیچ کەسێک دوای ئەو ژمارە 10 ناپۆشێت.”
ئاماژەی بەوەشکردووە، راگرتنی بەخشینی ئەو درێسە و ئەو ژمارەیە بە یاریزانێکی دیکە، وەک وەفایەکە بۆ ئەو هەوڵەی میسی پێشکەشی تۆپی پێی ئەرجەنتینی کردووە و ئەوەش دیارییەکی کەمە پێشکەشی ئەو ئەستێرەیە بکرێت
