ئەمڕۆ جارێکی دیکە سوپای عێراق هێرشی کردەسەر جوتیارانی گوندی تۆپزاواو ئازاری چەند جوتیارێکیان دا.
ساتع ناسح، نوێنەری جوتیارانی کوردی گوندی تۆپزاوا بە تۆڕی میدیایی ئێستای راگەیاند، ئەمڕۆ جارێکی دیکە سوپای عێراق هێرشی کردەسەر جوتیارانی گوندی تۆپزاواو ئازاری چەند جوتیارێکیان دا.
وتیشی، “داوا لە جوتیارانی کورد دەکەم بۆ رێگریکردن لەو بارودۆخە بچنە سەر سندوقەکانی دەنگدان و بە دەنگەکانیان پشتگیری لە کورد بکەن”.
لە دوو مانگی رابردوودا سوپای عێراق ویستی رێگایەک لەناو زەوی جوتیارانی گوندەکە دروستبکات بۆ بارەگایەکی خۆی کە لەناو گوندەکەدایە، جوتیارانیش رێگرییان کرد.
لەسەر ئەو بابەتە جوتیارێک دەستگیرکراو دواتر بە کەفالەت ئازادکرا، ئەمڕۆش جارێکی دیکە سوپای عێراق ویستی ئەو رێگایە بکاتەوە جوتیارانیش رێگرییان کرد.
