وەزارەتی دارایی هەرێم رایدەگەیەنێت، ئێوارەی رۆژی یەكشەممە شاندی باڵای هەرێمی كوردستان گەیشتە بەغداد و ئامانجی سەردانەكەش گفتوگۆكردنە لەسەر سیاسەتی گومرگی عێراق و هەرێمی كوردستان و هەمواركردنەوەی یاسای دەروازە سنوورییەكان.
بەپێی راگەیەندراوێكی وەزارەتی دارایی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، ئێوارەی رۆژی یەكشەممە شاندی باڵای هەرێمی كوردستان، كە پێكهاتبوون لە رێبەر ئەحمەد وەزیری ناوخۆ و ئاوات جەناب نوری وەزیری دارایی و ئابوری و شاندی یاوەریان گەیشتنە شاری بەغداد.
هەر لە راگەیەندراوەكەدا هاتووە، ئامانج لە سەردانەكە گفتوگۆكردنە لەسەر سیاسەتی گومرگی عێراق و ھەرێمی كوردستان و هەمواركردنەوەی یاسای دەروازە سنوورییەكان.
