ئەمڕۆ لە مەکۆی سەرەکی بزوتنەوەکە لە سلێمانی وەفدی باڵای یەکێتیی نیشتمانیی کوردستان و بزوتنەوەی گۆڕان کۆبوونەوە.
بە سەرۆکایەتی بافڵ جەلال تاڵەبانی، سەرۆکی یەکێتیی نیشتمانیی کوردستان وەفدی باڵای ئەو حزبە سەردانی مەکۆی سەرەکی بزوتنەوەی گۆڕانی کرد و لەلایەن چەند بەرپرسێکی بزوتنەوەکە پێشوازییان لێکرا و کۆبوونەوە.
بڕیارە ئەو وەفدەی یەکێتی ئەمڕۆ سەردانی هەریەکە لە کۆمەڵی دادگەری کوردستان و یەکگرتوویی ئیسلامی کوردستان بکات و لەگەڵ بەرپرسانی ئەو حزبەدا کۆببێتەوە.
پێشتریش سەعدی ئەحمەد پیرە، وتەبێژی یەکێتیی نیشتمانیی کوردستان لە چاوپێکەوتنێکیدا ئاماژەی بەوە کردبوو، “لەسەر راسپاردەی کۆنگرە لیژنەیەک پێکهێندراوە کە سەردانی سەرجەم لایەنە سیاسییە کوردستانییەکان دەکات و لەگەڵیاندا کۆدەبێتەوە، هەروەها پڕۆژەی داهاتوومان بۆ لایەنەکان رووندەکەینەوە و هەوڵدەدەین بەیەکەوە کار بۆ یەکخستنەوەی ماڵی لایەنە کوردستانییەکان بکەین”.
