وەزارەتی کارەبای حکومەتی هەرێم هۆکاری کەمبوونەوەی کارەبا ئاشکرا دەکات و دەڵێت، ئەو کێشەیە تا کۆتایی ئەم مانگە بەردەوام دەبێت.
وەزارەتی كارەبای حکومەتی هەرێم لە راگەیاندراوێکدا بڵاویکردەوە،”بەهۆی پرۆسەی چاکسازی لە هەردوو یەكەی وێستگەی خەبات 300 مێگاوات کارەبا لە ڕۆژی (15)ی ئەم مانگەوە کەم بووەتەوە”.
ئاماژەی بە ئەوەش کرد،”تا كۆتایی مانگ پرۆسەکە تەواو دەبێت و وێستگەکە دەکەوێتەوە کار و ماوەکانی پێدانی کارەبا ئاسایی دەبنەوە”.
وەزارەتەکە دەڵێت،”ئەم چاکسازییە هاوکاتە لەگەڵ بەرزبوونەوەی خواست لەسەر کارەبا بەهۆی سەرماوە، بۆیە ماوەی چەند رۆژێکە پێدانی کارەبا کەم بووەتەوە”.
