حکومەتی عێراق هەڵوێستی خۆی لەبارەی بۆردومانی ناوچەی جورف سەخر راگەیاند و ئاشکرایکرد، هێرشەکە بێ ئاگاداری ئەوان ئەنجامدراوە.
باسم عەوادی وتەبێژی حکومەتی عێراق رایگەیاند، ئەو رووداوانەی لە دوو رۆژی رابردوودا لە عێراق روویانداوە مەترسیدارە و پێشێلکردنی سەروەری عێراقە و لای ئێمە پەسەندکراو نییە.
ئاماژەی بەوەشکرد، ئاگاداری هێرشی هێزەکانی ئەمریکا نەبووین بۆ سەر ناوچەی جورف سەخر و هەوڵێکە بۆ تێکدانی ئاسایشی ناوخۆی عێراق.
ئەمە لە کاتێکدایە ماوەی چەند هەفتەیەکە گروپە چەکدارییەکانی عێراق بەردەوامن لە بۆرومانکردنی بنکە سەربازییەکانی ئەمریکا لە عێراق و سوریا، لە وەڵامیشدا بەیانی ئەمڕۆ هێزەکانی ئەمریکا ناوچەی جورف سەخریان بۆردومان کرد.
