ئەنجومەنی نوێنەرانی عێراق خوێندنەوەی یەكەمی بۆ یاسای كۆمسیۆنی باڵای سەربەخۆی هەڵبژاردنەكان كرد.
ئەمڕۆ ئەنجومەنەكە بە سەرۆكایەتیی موحسین مەندەلاوی، جێگری یەكەمی سەرۆكی ئەنجومەنی نوێنەران و بە ئامادەبوونی 172 پەرلەمانتار كۆبووەوە و تیایدا دەنگ لەسەر نەجم عەبدوڵا سەرۆكی داواكاری گشتی و لەیس جەبر سەرۆكی دەستەی سەرپەرشتیی دادوەری درا.
هەر لە دانیشتنەكەدا خوێندنەوەی یەكەم بۆ پرۆژەیاسای هەمواری یاسای كۆمسیۆنی باڵای سەربەخۆی هەڵبژاردنەكان ژمارە (31)ی ساڵی 2019 كرا.
دانیشتنەكە بە رۆژێك دێت دوای بڕیاری دادگای باڵای فیدراڵی تایبەت بە دوورخستنەوەی محەمەد حەلبوسی لە پۆستی سەرۆكی ئەنجومەنی نوێنەران.
