بەپێی بڕیارێکی بەڕێوەبەرایەتی هاتووچۆی هەولێر،هه‌ر ئۆتۆمبێلێك دوکەڵبكات ده‌ستی به‌سه‌ردا ده‌گیرێت.
به‌ڕێوه‌به‌رایه‌تیی هاتووچۆی پارێزگای هەولێربڵاویکردەوە، بەمەبەستی پاکراگرتنی ژینگەی شارو دابینکردنی مەرجەکانی توندوتۆڵی لە ئۆتۆمبێلەکان بەگشتی و بارهەڵگرەکان بەتایبەتی، سەرجەم شۆفێران و خاوەنی ئۆتۆمبێلە کان ئاگاداردەکەینەوە، نابێت ئۆتۆمبێلەکانیان دوکەڵبکەن و گازی ژەهراوی دەربکەن.
باس لەوەش دەکات، ئه‌و كه‌سانه‌ی كه ئۆتۆمبێله‌كانیان دوكه‌ڵ ده‌كات، ده‌بێت تا 20ی ئه‌م مانگه ئۆتۆمبێلەکانیان چاکبکەنەوە، لەگەڵ تەواوبونی ئەو ماوەیە هەر ئۆتۆمبێلێک لەسەر رێگاوبانەکان ببینرێت و دوکەڵبکات و گازی ژەهراوی دەربکات، ڕاستەوخۆ لەلایەن مەفرەزەکانی هاتوچۆوه دەستی بەسەردا دەگیرێت.
بەپێی بڕیارەکە، خاوەنی ئۆتۆمبێلەکە ناچاردەکرێت بە چاککردنەوەی، بە پێچەوانەوە ئۆتۆمبێلەکە لەگەراجی دەستبەسەرداگرتن دەمێنێتەوە تاکو چاکیدەکاتەوە.
