بەڕێوەبەرایەتیی کارەبای گەرمیان، هاوڵاتییانی ناوچەكە ئاگاداردەكاتەوە و دەڵێت، دوو كێبڵی كارەبا دووچاری شۆرت و تەقین بوونەتەوە.
لە ئاگادارینامەیەكدا كە ئاراستەی دانیشتووانی قهزای كفری و هەردوو ناحیەی سهرقهڵا و نهوجول و گوندهكانی سنوورەكەی كردووە و وێنەیەكی دەست تۆڕی میدیایی ئێستا كەوتووە، بەڕێوەبەرایەتیی کارەبای گەرمیان دەڵێت، “بههۆی ڕوودانی شۆرتێكهوه و تهقینی دوو كێبڵی (33kv) له وێستگهی (132kv)ی كفری، كارهبای نیشتمانییان بڕاوه”.
کارەبای گەرمیان جەختدەكاتەوە كە تیمهكانیان له ههوڵی چارەسەركردنی گرفتەكەدان و بەڵێنێك بە دانیشتووانی ئەو ناوچانە دەدات و ئاشكرایكرد، “له كاتی چاككردنهوهی گرفتەكەدا، قهرهبووی ئهو ماوهیەیان بۆ دهكرێتهوه كه كارهبای نیشتمانییان نهبووه”.
