وتەبێژی حکومەتی عێراق رایگەیاند، ئەگەر قەیرانی دۆلار بەردەوام بێت حکومەت ناچاردەبێت بە نرخی بانکی ناوەندی راستەوخۆ دۆلار بە هاوڵاتییان بفرۆشێت.
باسم عەوادی وتەبێژی حکومەتی عێراق لە لێدوانێکی رۆژنامەوانیدا رایگەیاند، بەمەبەستی کۆنتڕۆڵکردنی نرخی دراو، حکومەتی عێراقی لەگەڵ چین بازرگانی بە دراوی یەن دەکات و لەگەڵ ئێران و ئیماراتیش بە تمەن و درهەم دەبێت، ئەگەر ناچاریش بین ئەوا بە نرخی فەرمی بانکی ناوەندی راستەوخۆ دۆلار بە هاوڵاتییان دەفرۆشرێت.
ئاشکراشیکرد، بەرزبوونەوەی نرخی دۆلار کاریگەری زۆری لەسەر بەرزبوونەوەی نرخی خانوبەرە و ئۆتۆمبێل کردووە، بەڵام توانیومانە رێگری لەبەرزبوونەوەی نرخی خواردن بکەین.
بە وتەی وتەبێژی حکومەتی عێراق رێژەی هەڵاوسان %4 دابەزینی بەخۆیەوە بینیوە.
