بڕیارە لە 9ی تشرینی یەکەم دادگایکردنی نیکیتا جوراڤیل کە بە تۆمەتی سووتاندنی قورئان دەستگیرکرابوو، لە شاری گرۆزنی ڕوسیا دەست پێبکات.
لە مانگی ئایاردا هێزە ئەمنییەکانی شاری ڤۆڵگۆگراد دانیشتوویەکی ئەو شارەیان دەستگیرکرد، دوای ئەوەی لە بەردەم مزگەوتێکدا کۆپییەکی لەقورئانی پیرۆز سووتاند.
بەگوێرەی لیژنەی لێکۆڵینەوە، لەبەرامبەر دەستکەوتنی بڕێک پارە تۆمەتبار ئەو کارەی کردووە کە لەلایە کەسێکەوە پێی دراوە، هاوکات دۆسیەیەکی تاوانکاری بە تۆمەتی سوکایەتیکردن بە هەستی باوەڕداران بۆ کراوەتەوە و ڕادەستی لێکۆڵەرانی چیچانی کراوە.
مافی مرۆڤی ئەو وڵاتەش دەڵێت، “تۆمەتبارەکان دەبێت بە پشتبەستن بە بڕیاری دادوەر سزا بدرێن، تا ئەو کاتەش لە ناوەندێکی دەستبەسەرکردن پێش دادگاییکردنەکە ڕادەگیرێن، بەپێی ڕێکارە یاساییە پەسەندکراوەکان”.
