بێگەرد تاڵەبانی ئەندامی كۆنگرەی یەكێتی لە لێدوانێكدا بە تۆڕی میدیایی ئێستای راگەیاند، “یەكێتی یەكەمجارە كۆنگرەیەك دەكات كە لەناو كۆنگرەكەدا باس لە چۆنییەتی رێكخستنەوەی خۆی دەكات”.
راشیگەیاند، كۆنگرە ئیشوكارەكانی بە هێمنی دەڕوات و ژمارەیەكی زۆر لە ئەندامان بەشدارن و گفتوگۆ لەسەر پەیڕەوی ناوخۆی یەكێتی و سەر لە نوێ داڕشتنەوەی پەیكەری بەندی یەكێتی بۆ ئاییندە دەكرێت.
ئاماژەی بۆ ئەوەش كرد، سبەی تائێوارە گفتوگۆ لەسەر پەیڕەوی ناوخۆدەكرێت و ماددەكانی نێو پەیڕەوەكە پەسەنددەكرێت.
ئاشكراشیكرد، سێ ئەنجومەن دروستدەكرێن كە بریتین لە ئەنجومەنی پشتیوانی، ئەنجومەنی پاراستنی بەرژەوەندییەكانی یەكێتی و ئەنجومەنی سەركردایەتی كە ژمارەی ئەندامانی سەركردایەتی 61 ئەندام بە سەرۆكەوە دەبێت و وتیشی، “یەكێتی یەكەمجارە كۆنگرەیەك دەكات كە لەناو كۆنگرەكەدا باس لە چۆنییەتی رێكخستنەوەی خۆی دەكات”.
