بەهۆی رووداوێكی هاتوچۆوە شۆفێرێك گیانیلەدەستدا و دوای گەیاندنی هەواڵەكەشی بە برایەكی، ئەویش گیانیلەدەستدا.
پێش نیوەڕۆی ئەمڕۆ لەسەر رێگای سەرەكیی قەزای خەبات سەر بە پارێزگای هەولێر پێكدادان لەنێوان تانكەرێك، بارهەڵگرێك و ئۆتۆمبێلێكی تایبەت لە جۆری كیا روویدا.
شاهێدحاڵێك بە تۆڕی میدیایی ئێستای راگەیاند، بەهۆی رووداوەكەوە شۆفێری بارهەڵگرەكە گیانیلەدەستدا و چوار كەسی دیكەش لە سەرنشینانی ئۆتۆمبێلەكانی دیكە برینداربوون.
قوربانییەكە ناوی (هێرش ئیسماعیل)ە، دوای گەیاندنی هەواڵی گیانلەدەستدانەكەی بە براكەی بە ناوی (قاسم ئیسماعیل)، جەڵتە لێیدا و بەهۆیەوە ئەویش گیانیلەدەستدا.
