بەهۆی خواردنی قارچكەوە، لە گوندێكی سەر بە شارباژێر منداڵێك گیانیلەدەستدا و حەوت ئەندامی خێزانەكەی ژەهراوی بوون و رەوانەی نەخۆشخانە كران.
رووداوەكە ئێوارەی ئەمڕۆ لە گوندی وڵانە-ی سەر بە قەزای شارباژێر بووە.
سامان شێخ لەتیف، وتەبێژی تەندروستیی سلێمانی بە تۆڕی میدیایی ئێستای راگەیاند، سەرجەم ئەندامانی خێزانەكە بە قارچكەكە ژەهراوی بوون.
وتیشی، “دووان لە ئەندامانیان منداڵن و گوازراونەتەوە بۆ نەخۆشخانەی دكتۆر جەمال ئەحمەد رەشیدی تایبەت بە منداڵان، ئەودوای ئەندامانی خێزانەكەش رەوانەی نەخۆشخانەی شار كراون و لەژێر چارەسەردان”.
