بەڕێوەبەرایەتیی ئاسایشی رۆژئاوای سلێمانی 8 تۆمەتباری ئاژاوەگێڕ و تەقەكەریان لە سنووری چەمچەماڵ دەستگیركرد.
بەپێی راگەیەندراوێكی دەزگای ئاسایشی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، لەپێناو ئارامی و ئاسایشی زیاتر و چەسپاندنی یاسا و رێگریكردن لە تەقەكردن و ئاژاوەگێڕی، هێزەكانی بەڕێوەبەرایەتیی ئاسایشی رۆژئاوای سلێمانی لە ماوەی مانگێكدا هەشت تۆمەتباریان بە بڕیاری دادوەری لێكۆڵینەوەی ئاسایش دەستگیركردووە، كە هەستابوون بە نانەوەی پشێوی و تەقەكردنی لە ماڵان و شەقام و شوێنە گشتیەكان.
هەر لە راگەیەندراوەكەدا هاتووە، لە ئێستادا بە فەرمانی دادوەری لێكۆڵینەوە بە ماددەكانی(495 ،430 و 405) لە یاسای سزادان راگیراون و لێكۆڵینەوە لە دۆسیەكانیان بەردەوامە.
