بافڵ جەلال تاڵەبانی، سەرۆكی یەكێتیی نیشتمانیی كوردستان لە بەغداد چاویكەوت بە ستیڤن چارڵس هیچن، باڵیۆزی بەریتانیا لە عێراق.
لە دیدارەكەدا كێشەكانی نێوان هەولێر و بەغداد، شایستە داراییەكانی هەرێم و تێكدانی سەقامگیریی ناوچەكە گفتوگۆی لەبارەوەكرا، لەو چوارچێوەیەشدا سەرۆك بافڵ جەلال تاڵەبانی ئاماژەی بەهەوڵەكانی یەكێتی كرد لەپێناو تێپەڕاندنی ئەم دۆخە و گەیشتن بە چارەسەرێك كە تێیدا مافی هەموولایەك پارێزراوبێت.
لەبارەی بە ئامانجگرتنی هێزەكانی دژەتیرۆر و بەزاندنی سەروەرییەكانی وڵاتەوە، سەرۆك بافڵ باڵیۆزی بەریتانیای بەرچاوڕوونكرد و داوای لە بەریتانیا و هێزەكانی هاوپەیمانان كرد رووبەڕووی ئەو پێشهاتە ئەمنییانە ببنەوە و هاوكاربن بۆ رێگریكردن لە هەر هێرشێك كە ئاسایش و ئارامیی ناوچەكە بخاتە مەترسییەوە.
