بە مەبەستی هەڵبژاردنی ئەندامانی كۆنگرە، سبەی كۆنفرانسی مەكتەب و مەڵبەندەكان ئەنجامدەدرێن.
تەلار لەتیف وتەبێژی كۆنگرەی پێنجەم و ئەندامی كۆمسیۆنی باڵای ئامادەكاری كۆنگرە لە لێدوانێكیدا بۆ سایتی فەرمیی كۆنگرە رایگەیاند، لە چوارچێوەی ئامادەكارییەكانی بەستنی پێنجەمین كۆنگرەی یەكێتیی نیشتمانیی كوردستان كۆنفرانسی مەڵبەند و مەكتەبەكان و سەرجەم ئۆرگانەكان ئەنجامدەدرێن.
راشیگەیاند، ئامادەكاری بۆ هەڵبژاردنی كۆنفرانسی مەڵبەند و مەكتەبەكان بە كۆتا گەیشتووە و سبەی پێنجشەممە لە كاتژمێر 10ی سەر لەبەیانی بۆ 4ی پاشنیوەرۆ لە پڕۆسەیەكی دیموكراسیدا هەڵبژاردنەكە ئەنجامدەدرێت.
