هەرچەندە بڕیار بوو ئەمڕۆ پرۆژە یاسای بەپارێزگابوونی هەڵەبجە لە ئەنجومەنی نوێنەران دەنگی لەسەربدرێت بۆ رۆژی دووشەممەی داهاتوو دواخرا.
د. بڕیار رەشید ئەندامی ئەنجومەنی نوێنەران بە تۆڕی میدیایی ئێستای راگەیاند، “بەهۆی ئامادەنەبوونی رێژەی یاسایی ئەندامانی ئەنجومەنی نوێنەران، کۆبوونەوەی ئەنجومەنەکە بۆ دەنگدان بە پرۆژە یاسای بەپارێزگابوونی هەڵەبجە بۆ رۆژی دووشەممەی داهاتوو دواخرا”.
لە رێکەوتی 13 ی ئازاری ئەمساڵ ئەنجومەنی وەزیرانی عێراق پرۆژەیاسای بەپارێزگابوونی هەڵەبجەی پەسەندکرد.
دواتر پرۆژەکە لە ئەنجومەنی نوێنەران خوێندنەوەی یەکەم و دووەمی بۆ کرا.
